Հայկական Արմատներ Ունեցող Երիտասարդ Մը ֆրանսայի Նախագահութեան Թեկնածու։
Հայկական արմատներ ունեցող Մաքսիմ Վեռներ իր թեկնածութիւնը պիտի առաջադրէ Ֆրանսայի 2012-ի
նախագահական ընտրութեան: Անոր հայրը թաքսիի վարորդ է, իսկ մայրը հայ է` Ֆլորա Քրեքճեան: Անոր
նախընտրական ծրագիրը հրապարակուած է անցեալ հինգշաբթի եւ կը կրէ «Բոլոր տարիքի երիտասարդներ
մեզի հետ հանդիպում ունեցէք. 89 առաջարկ 2012-ի համար» խորագիրը: Մաքսիմի առաջարկներուն
շարքին է վարորդական իրաւունքի ձեռքբերումի ֆինանսաւորումը ֆրանսական կառավարութեան վստահելով`
զայն անվճար դարձնել: Ան նաեւ կ՛առաջարկէ սերունդներուն միջեւ ստեղծել համերաշխութիւն,
որուն նպատակը պիտի ըլլայ աջակցիլ աշխարհի երիտասարդներուն: Ըստ լրագրող Ժան Էքեանի,
Մաքսիմի նախաձեռնութիւնը մեծ աղմուկ բարձրացուցած է Ֆրանսայի մէջ եւ ֆրանսական մամուլը
հեղեղուած է անոր մասին յօդուածներով: Պատկերասփիւռի բոլոր կայանները Մաքսիմ Վեռները
հարցազրոյցներու կը հրաւիրեն: