Святы Айцец прызначыў новага біскупа Кіева-Жытомірскага
Святы Айцец прыняў
адстаўку біскупа Кіева-Жытомірскага лацінскага абраду на Украіне Яго Эксцэленцыі Яна
Пурвінскага, у адпаведнасці з канонам 401 §1 Кодэкса кананічнага права і прызначыў
новым біскупам Кіева-Жытомірскім лацінскага абраду Яго Эксцэленцыю Пятра Геркуліяна
Мальчука OFM, тытулярнага біскупа Медзіі, да гэтага часу дапаможнага біскупа Адэска-Сімферопальскай
дыяцэзіі. Папа надаў яму таксама тытул арцыбіскупа "ad personam".
Пётр Геркуліян
Мальчук нарадзіўся 17 ліпеня 1965 г. у сяле Слабада Рашків у Малдове. У 1986 г. паступіў
у Вышэйшую духоўную семінарыю ў Рызе (Латвія). У 1989 г. уступіў у ордэн братоў меншых.
Праз тры гады прыняў святарскае пасвячэнне. У 1992-1998 гг. вучыўся ў Рыме ў Папскім
універсітэце “Antonianum”, дзе атрымала ступень доктара тэалогіі. На працягу некалькіх
гадоў займаў адказныя пасады ў ордэне братоў меншых на Украіне. Біскупскую сакру атрымаў
3 мая 2008 г.