Іспанія: усё больш асоб зыходзяць на “абочыну” веры
Іспанскія біскупы
скіравалі адмысловы ліст пад назвай ”Укаранёныя ў Хрысце абвяшчаем Евангелле”, у якім
адзначылі, што ў краіне расце колькасць асоб, якія, хоць і лічаць сябе веруючымі,
“жывуць на абочыне веры”. На думку іерархаў гэта выклікана “секулярызмам, рэлігійнай
абыякавасцю і ліберальнасцю грамадства”.
Біскупы звяртаюць увагу на тое, што
ахрышчаныя, якія “не думаюць пра сэнс свайго існавання, становяцца лёгкай здабычай
для рэлятывізма і суб’ектывізма”, бо баяцца “мець уласныя крытэрыі і адрознівацца
ад іншых”. Яны намагаюцца мець “усё больш грашэй, цешыцца жыццём і мець уладу, несвядома
адыходзячы ад Бога і Касцёла, які стварыў іх да веры”, - гаворыцца ў лісце.
Біскупы
заўважаюць, што шматлікія ахрышчаныя забываюцца аб служэнні бліжняму. “Іншыя імкнуцца
жыць верай у Бога, аднак не адмаўляюцца ад крытэрыяў свету і абіраюць шлях бясплённага
рэлігійнага індывідуалізма”.- сцвярджаюць іерархі.
У “новай сацыяльнай, культурнай
і рэлігійнай рэальнасці”, біскупы прапануюць духавенству, манскім ордэнам і свецкім
асобам пачаць новую евангелізацыю і не чакаць “са складзенымі рукамі, калі скончацца
праблемы”. “Сапраўдныя вернікі” – гэта тыя, хто дазваляе евангелізаваць сябе і аднавіцца
з Езусам на малітве, у літургіі і робячы справы міласэрнасці”, - сцвярджаюць іспанскія
біскупы у сваім пастырскім лісце.