Турцыя: упершыню за 50 гадоў хрысціянін у парламенце
Упершыню за апошнія
50 гадоў у турэцкі парламент увайшоў хрысціянін. У выніку нядзельных парламенцкіх
выбараў мандат здабыў 47-гадовы адвакат Эрол Дора, член сірыйска-праваслаўнай супольнасці
ў паўднёвай Анатоліі. Новы дэпутат з'яўляецца не толькі першым хрысціянскім парламентарыем
у Анкары пасля ваеннага перавароту ў 1960 г., але першым, паходзячым з арамейскай
меншасці.
Перад выбарамі было адзначана шмат хрысціянскіх кандыдатаў у спісах
розных партый. Той факт, што, у канчатковым выпадку, хрысціян не аказалася ў ліку
кандыдатаў з трох вялікіх палітычных партый, адзін з іх тлумачыць тэхнічнымі прычынамі,
а не рэлігійнымі матывамі. Ужо сам факт прысутнасці хрысціянскіх кандыдатаў у спісах
палітычных партый, у ацэнцы назіральнікаў, сведчыць аб узросшай павазе да іх у Турэцкай
Рэспубліцы. Па словах сацыёлага Айхана Актара з універсітэта Білгі ў Стамбуле, "мы
з'яўляемся сведкамі набліжэння дзяржавы да меншасцяў".
У апошні час кабінет
прэм'ер-міністра Эрдагана выступіў са спрыяльнымі ініцыятывамі адносна хрысціян, складаючых
менш за 1% выбаршчыкаў у Турцыі. Пасля дзесяцігоддзяў забароны, было дазволена адпраўляць
набажэнствы ў многіх хрысціянскіх храмах і кляштарах. У доме Марыі ў Эфесе або касцёле
св. Паўла ў Тарсе, якія з'яўляюцца музеямі, пасля папярэдняй заявы, хрысціянскія группы
могуць адпраўляць свае набажэнствы.