Në Turqi partia e kryeministrit Erdoan ka fituar zgjedhjet e djeshme parlamentare,
duke siguruar kështu mandatin e tretë në udhëheqje të Vendit por jo edhe votat e
nevojshme për ndryshimin e Kushtetutës së vendit. Kështu nuk janë arritur të gjitha
objektivat para-zgjedhor nga krahu i partisë konservatore-islamike AKP të kryeministrit. Kjo
partia e Drejtësisë dhe Zhvillimit( AKP) ka fituar 49,9 për qind dhe arrin të ketë
325 nga 550 vendet në parlament. Forcat kryesore të opozitës, socialdemokratët e
Partisë republikane të popullit (CHP), ka fituar 25,9 për qind të votave e 135 deputetë,
ndërsa forca tretë politike e vendit, Partia e lëvizjes nacionaliste (MHP), fitoi
12.99 për qind të votave, me 53 deputetë. Në parlamentin e ri do të bëjnë pjesë
edhe 35 përfaqësues të partisë kurde BDP, të cilët konkuruan si kandidatë të pavarur,
për të anashkaluar kufirin e dhjetëpërqindësit për të hyrë në parlament. Para votimit
vëzhguesit nuk kishin përjashtuar një shumicë prej dy të tretash për AKP-në. Kjo do
t'i kishte dhënë partisë mundësinë, që të vendoste e vetme kushtetutën e re. Në fjalimin
e tij të parë pas zgjedhjeve, Erdogan deklaroi se do të kërkojnë konsensus më partitë
tjera në lidhje me ndryshimet eventuale të Kushtetutës. Kushtetutën aktuale turke
e kanë përpiluar ushtarakët pas grushtit të shtetit të vitit 1980.