Fondacioni spanjoll “Kronika e bardhë” () shpalli fituesit e çmimit ndërkombëtar “Rojet
e agimit”. U vlerësuan punimet më të mira gazetareske kushtuar Ditës Botërore të Rinisë,
që do të mbahet në Madrid nga 16 deri më 21 gusht. Jurisë iu desh të punojë shumë,
për të arritur tek punimet më të mira, ndërmjet mijëra shkrimeve, ardhur nga Portugalia,
Italia, Spanja, SHBA, Guatemala, Kuba, Kolombia, Brazili, Argjentina e Australia.
Konkursi flet vetë për frymën ndërkombëtare të vetë Ditës Botërore të Rinisë, që do
të mbledhë, në një bashkim vëllazëror nën dritën e Krishtit, rininë e mbarë planetit,
rreth Benediktit XVI. Çmimet e para iu dhanë një dokumentari peruivan të Televizionit
Pax të Limës; një artikulli, botuar në revistën portugeze “Familja e Krishterë” dhe
dy programeve radiofonike: njëri i Radio Marisë të Madridit; tjetri, i Radios së Universitetit
Miguel Hernandez de Elche. Firtuesit, bashkë me motivacionin, do të marrin 10
mijë euro dhe titullin “Mjeshtër në komunikim”, ofruar nga Universiteti i Bolonjës.