Святы Айцец ва ўрачыстасць Пяцідзесятніцы: Касцёл з'яўляецца каталіцкім з самага пачатку
На ўніверсальны характар
Касцёла, у якім Святы Дух пастаянна дзейнічае, яго апостальскі характар і святасць,
якія з'яўляюцца дарам Бога, звярнуў увагу Бэнэдыкт XVI у гаміліі падчас Эўхарыстыі,
якую ўзначаліў 12 чэрвеня ва ўрачыстаць Спаслання Духа Святога ў ватыканскай базыліцы.
"Для хрысціян, свет з'яўляецца вынікам любові Бога, які стварыў усе рэчы, якімі радуецца,
бо з’яўляюцца "добрай справай", - адзначыў Святы Айцец.
Папа заўважыў, што
"Бог не ёсць кімсці зусім іншым, немагчымым да названня, неясным. Бог аб'яўляе сябе,
мае твар, ёсць розумам, воляй, Бог ёсць любоўю і прыгажосцю. Вера ў Духа Стварыцеля
і вера ў Духа, якога уваскрослы Хрыстус даў апосталам і дае кожнаму з нас, непарыўна
звязаны", - падкрэсліў Святы Айцец.
Ён звярнуў увагу на тое, што Святы Дух
дае нам магчымасць распазнаць Бога ў Хрысце. Аб'яўляючы сябе ў Сыне, Бог паказвае
праўду пра нас саміх, а ў выпадку Пяцідзесятніцы, мы перажываем глыбокае ўнутранае
пераўтварэнне: са шматлікасці фарміруецца разнароднае адзінства, а з аб'яднаўчай сіла
Ісціны расце паразуменне. Гэта адбываецца ў вызнанні веры, якое прамаўляецца на розных
мовах па ўсім свеце.
"Дух Святы абвяшчае і вылівае любоў, якая абдымае кожную
рэч. У той жа час, Закон пашыраецца, адкравае сябе, хоць і становіцца больш простым:
гэта Новы Запавет, які Дух "піша" у сэрцах веруючых у Хрыста" - падкрэсліў Папа.
Ён
адзначыў, што такім чынам нам становіцца зразумелай вельмі важная рэч: што Касцёл
з'яўляецца каталіцкім з самага пачатку, і яго паўсюднасць – не вынік пазнейшага далучэння
розных супольнасцяў. Бо з самага пачатку Святы Дух стварыў яго як Касцёл усіх народаў
і ён ахоплівае ўвесь свет, нішчыць усе межы: расавыя, нацыянальныя, класавыя, бурыць
бар'еры і аб'ядноўвае людзей у веры ў Трыадзінага Бога. Ад пачатку Касцёл з'яўляецца
адзіным, каталіцкім і апостальскім – гэта яго істота і такім ён павінен быць прызнаны.
Ён святы не дзякуючы здольнасцям сваіх членаў, але таму, што сам Бог сваім Духам стварыў
яго і заўсёды асвячае яго", - сказаў Бэнэдыкт XVI.
Папа таксама звярнуў увагу
на "глыбока чалавечыя словы" з сённяшняга Евангелля аб тым, што "вучні ўзрадаваліся",
калі ўбачылі уваскрослага Езуса. "Страчаны Сябар зноў сярод іх, і той, хто раней хваляваўся,
цяпер радуецца", - сказаў Папа. Ён адзначыў, што гэта мае значна больш шырокі кантэкст,
бо страчаны Сябар прыходзіць не адкуль-небудзь, але перамагаючы смерць. Ён з'яўляецца
Сябрам і, разам з тым, Ісцінай, якая дае жыццё людзям, і гэта не звычайная радасць,
а дар Святога Духа. "Сёння, ва ўрачыстасць Яго Спаслання, гэты выраз адносіцца і да
нас, таму што ў веры мы можам бачыць Яго, у веры Ён прыходзіць да нас і таксама нам
паказвае свае рукі і бок, а мы радуемся гэтаму", - сказаў на заканчэнне сваёй гаміліі
Святы Айцец.