Kryqi i Kuq Ndërkombëtar kërkon lejen për të hyrë në Siri
Komiteti Ndërkombëtar i Kryqit të Kuq bëri sot një thirrje të fuqishme nga Gjeneva,
që të lejohet të hyjë menjëherë në Siri, për të ndihmuar njerëzit, të cilët po përjetojnë
dhunën, duke përfshirë edhe të arrestuarit e të burgosurit. Presidenti i Kryqit të
Kuq, Kelenberger deklaroi se është gati të shkojë personalisht në Damask, për të biseduar
me autoritetet.
Ndërkaq, në vend, përleshjet arrijnë në një cak të ri, në të
këtë të premte lutjeje për myslimanët, në të cilën priteshin tensione. Numri i viktimave
në konfliktin me forcat e armatosura e ka kapërcyer 25-ën. Edhe Turqia, përmes kryeministrit
të saj Erdogan, e akuzoi regjimin e presidentit Bashar Al Asad për tmerre çnjerëzore.
Situata
nuk është më e mirë në Jemen, ku shumëfishohen manifestimet kundër presidentit Saleh,
i cili aktualisht ndodhet në Arabinë Saudite, ku i është nënshtruar dy operacioneve
mjekësore. Edhe familjarët e presidentit duket se po largohen nga vendi.