Пасяджэнне праваслаўна-лютэранскай багаслоўскай камісіі
З 31 мая па 7 чэрвеня
ў горадзе Лютэрштадт-Вітэнберг у Германіі праходзіла 15-я сесія Сумеснай лютэранска-праваслаўнай
камісіі. Пасяджэнні праводзіліся пад сумесным старшынствам мітрапаліта Сассімскага
Генадзя (Канстантынопальскі Патрыярхат) і епіскапа Дональда Маккойда (Евангеліцка-лютэранская
царква ў Амерыцы). У іх прынялі ўдзел дзесяць прадстаўнікоў Сусветнай лютэранскай
федэрацыі, а таксама прадстаўнікі Памесных Праваслаўных Цэркваў.
Абодва бакі
прадставілі ўласныя ацэнкі вынікаў дыялогу. Прагучала занепакоенасць Праваслаўных
Цэркваў тэндэнцыямі размывання маральных нормаў і традыцыйных асноў у некаторых лютэранскіх
цэрквах. Было выказана асуджэнне практыкі благаслаўлення гомасексуальных саюзаў, а
таксама святарскія і біскупскія пасвячэнні адкрыта практыкуючых гомасексуалістаў.
У чарговы раз прагучала занепакоенасць узвядзення жанчын у біскупскі сан.
У
ходзе пасяджэння, заклапочанасць праваслаўных па ўказаных пытаннях была даведзена
да ведама лютэранскіх партнёраў па дыялогу. Пры гэтым было адзначана, што згаданыя
тэндэнцыі ўступаюць у супярэчнасць з духам і мэтамі багаслоўскага дыялогу паміж дзвюма
хрысціянскімі традыцыямі. На сустрэчы ў Лютэрштадце-Вітэнбергу была завершана падрыхтоўка
багаслоўскага тэксту аб падабенствах і адрозненнях у разуменні праваслаўнымі і лютэранамі
некаторых аспектаў эклезіялогіі.