Бэнэдыкт ХVI прыме на аўдыенцыі прадстаўнікоў цыган
11-12 чэрвеня каля
1,5 ты. цыган з Еўропы здзейсняць пілігрымку ў Рым з нагоды 150 гадавіны з дня нараджэння
і 75-годдзя мучаніцкай смерці Зефірына Гімэнеса Маллы (1861-1936), цыганскага благаслаўлёнага
іспанскага паходжання.
11 чэрвеня цыганскія пілігрымы будуць прыняты на спецыяльнай
аўдыенцыі папам Бэнэдыктам ХVI. Арцыбіскуп Антоніо Марыя Вэльё, старшыня Папскай рады
пастырства мігрантаў і падарожнікаў, адзначыў вялікае значэнне гэтага народу для Касцёла,
дзе яго прадстаўнікі могуць атрымаць духоўную сілу і дапамогу ў жыцці, якое часта
назначана недаверам і адчужэннем. Падчас аўдыенцыі цыгане пазнаёмяць Святога Айца
са сваёй гістрыяй і сучасным становішчам праз чатыры кароткія сведчанні. Сярод прысутных
будзе Чэя Стойка, цыганская каталічка, якая была вязнем канцлагераў Аўшвіц-Біркенаў
і Берген-Бельзэн.
Цыганскія супольнасці ў мінулым ужо сустракаліся на аўдыенцыях
з Пантыфікамі. Папа Павел VI у 1965 г. сустрэўся з імі ў Памецыі, горадзе які знаходзіцца
недалёка ад Рыма. Ян Павел ІІ, падчас Вялікага юбілею 2000 года, прасіў у Пана прабачэння
за грахі ўчыненыя ў гісторыі адносна цыган.
У свеце пражывае больш за 36 млн.
цыган розных энтічных груп. Найбольш вядомыя Ромы, Сінці, Манушы, Кале, Рудары. 18
млн. пражывае ў Індыі, якая лічыцца іх радзімай. У Еўропе каля 12-15 млн. цыган, найбольш
у Румыніі і Венгрыі. У ЗША каля мільёна і 900 тыс. у Бразіліі.
Дзякуючы міжнародным
арганізацыям, у апошні час шматлікія краіны падтрымліваюць ініцыятывы з мэтай садзейнічання
паспяховай інтэграцыі цыган у грамадства, шляхам адукацыі, працы, годнага жыцця і
медыцынскай дапамогі.