Kuvendi i Prishtinës kritikon qeverinë për bisedimet me Serbinë
Kuvendi i Kosovës është i painformuar me rrjedhën e bisedimeve me Serbinë. "Është
e vërtetë e madhe se ne kemi vërejtje sa i përket zhvillimeve të këtyre bisedimeve,
për mungesën e informacioneve. Ne nuk e kemi marrë as platformën e këtyre bisedimeve",
deklaroi kryeparlamentari Jakup Krasniqi, siç njofton shtypi kosovar. Autoritetet
qeveritare faktikisht janë të obliguara me Rezolutë të paraqesin në Kuvend platformën
e dialogut dhe ta informojnë në baza të rregullta Komisionin për Politikë të Jashtme
për gjithçka që bisedohet me palën serbe në Bruksel. Qeveria po e anashkalon legjislativin
me procesin e bisedimeve. Bisedimet me Serbinë po karakterizohen me një terr informativ,
i cili po ia bën të pamundur Kuvendit të Kosovës që të dijë se çfarë po ndodh. Në
këtë proces po anashkalohen institucionet e vendit, ndërsa gjithçka është përqendruar
tek disa persona." Kështu tha kryetari i Kuvendit të Kosovës, Jakup Krasniqi, në një
intervistë për të përditshmen “Zëri” te Prishtinës, duke i bërë thirrje bashkësisë
ndërkombëtare që të hedhin dritë mbi të vërtetën e bisedimeve.Ai po ashtu thotë se
Kuvendi nuk kontrollohet nga qeveria, por e pranon se kryeministri Thaçi ka ndikim
në legjislativ, ndonëse këtë e bën nëpërmjet Grupit Parlamentar të PDK-së.