У гэтым годзе наша
радыё адзначае сваё 80-годдзе. З гэтай нагоды мы падрыхтавалі цыкл інфармацыйных матэрыялаў
пра паасобныя рэдакцыі нашага радыё. Сёння мова пойдзе пра армянскую. Першыя свае
праграмы яна пачала перадаваць у 1966 г. Яе заснавальнікам быў кардынал Ян Пётр ХIV
Агаджанян.
“У перыяд вялікіх сацыяльных перамен і ў надзеі на лепшую будучыню
праграмы рэдакцыі даюць армянам на радзіме і ў дыяспары вялікую маральную і духоўную
падтрымку. Супрацоўнікі намагаюцца падтрымаць жывымі рэлігійныя пачуцці свайго народу.
Асаблівую
ўвагу армянская праграма надае сацыяльным і маральным пытанням, якія датычаць сям’і
і моладзі. Сталымі рубрыкамі праграмы з’яўляюцца: гісторыя Арменіі, яе рэлігійнае
жыццё, экуменічныя адносіны, і сучасныя падзеі з рэлігійнага жыцця.
Інфармацыяй
з інтэрнэт-старонкі армянскай рэдакцыі карыстаюцца іншыя СМІ. Праграма супрацоўнічае
з армянскім Патрыярхатам. “Біскупы і святары, якія вядуць пастырскую працу ў шматлікіх
краінах, часта сочаць за дзейнасцю Патрыярхата слухаючы нашы перадачы”, - кажа кіраўнік
армянскай праграмы. Жон Жэй.