Аўстралія: Касцёл абвінавачвае ўрад у парушэнні Канвенцыі ААН
Каталіцкі Касцёл Аўстраліі
абвінаваціў урад краіны ў парушэнні Канвенцыі ААН аб правах дзіцяці. Прычынай стала
адасланне назад у Малайзію 800 бежанцаў, у тым ліку беспрытульных дзяцей, у абмен
на вызваленне 4 тыс. бежанцаў з малазійскіх турмаў. Па словах кс. Джыма Карці, каардынатара
Службы просячых прытулку і бежанцаў, гэты факт ставіць іх жыццё пад пагрозу.
У
паведамленні, апублікаваным Сіднэйскай дыяцэзіяй, падкрэсліваецца, што Міністр іміграцыі
Крыс Боуэн "павінен аўтаматычна стаць апекуном дзяцей эмігрантаў, якія прыехалі ў
Аўстралію па моры ў пошуках прытулку". Адправіць іх назад у краіну, дзе правы чалавека
не гарантаваныя, гэта абуральнае парушэнне Канвенцыі Арганізацыі Аб'яднаных Нацый,
якую Аўстралія абавязалася выконваць".
Падчас сустрэчы прадстаўнікоў арганізацый,
якія працуюць з бежанцамі, у тым ліку Міжнароднай амністыі і Чырвонага Крыжа, святар
адзначыў, што "ніхто не можа гарантаваць або абараніць дабрабыт гэтых дзяцей, калі
яны вярнуцца ў Малайзію". Ён нагадаў, што малазійскае права прадугледжвае, у прыватнасці,
прымяненне фізічнай сілы ў адносінах да дзяцей. Ён выказаў занепакоенасць тым, што
гэтыя дзеці могуць быць падвергнуты ў Малайзіі недаяданню, жорсткаму абыходжанню,
не змогуць хадзіць у школу, або нават могуць быць пасаджаны ў турму на 4-5 гадоў.
Пытанне
бежанцаў уздымаў 1 чэрвеня ў Ватыкане папа Бэнэдыкт XVI на сустрэчы Генерал-губернатарам
Аўстраліі спадарыняй Квенцін Брайс.