Халдэйскі арцыбіскуп
Кіркуку, Луіс Сако, ужо чарговы раз звярнуўся з заклікам спыніць гвалт ў дачыненні
да хрысціян у Іраку. “Хопіць гвалту! Мы не хочам жыць як вязні страху, як чужыя ў
сваіх дамах і гарадах”,- сказаў іерарх падчас “міжрэлігійнай ночы міру”, якая прайшла
5 чэрвеня ў катэдральным касцёле Кіркука. У сустрэчы прынялі ўдзел шматлікія хрысціяне
і мусульмане, сярод якіх былі віцэгубернатар правінцыі, кіраўнік мясцовай паліцыі,
вайсковыя начальнікі, святары суніцкай і шыіцкай плыняў іслама.
“Іракскія хрысціяне
гатовы зрабіць усё для прымірэння ў краіне, бо адчуваюць братэрскую сувязь з мусульманамі",-
сказаў халдэйскі арцыбіскуп. Але мы не хочам жыць у ізаляваных гетта, або ў лагерах
для бежанцаў, арганізаваных дыяспарах для эмігрантаў. Мы марым аб пабудове братэрскай
супольнасці, фундаментам якой будзе мір, стабільнасць і бяспека”. Іерарх адзначыў,
што сустрэча хрысціян і мусульман у Кіркуку з’яўляецца асабліва важнай ў “часе пакутаў”
выкліканых “сляпым і смяротным гвалтам” апошніх дзён. Іерарх падкрэсліў, што нягледзячы
на страх, хрысціян і мусульман аб’ядноўвае Божая Маці, якая з’яўляецца мастом, што
злучае паслядоўнікаў гэтых рэлігій.