Mlladiq para Gjykatës së Hagës dëgjoi krimet që ka bërë
Ish-gjenerali i serbëve të Bosnjës, Ratko Mlladiç sot para Gjykatës Ndërkombëtare
të Hagës për krimet në ish-Jugosllavi, nuk u prononcua as fajtor, as i pafajshëm.
Vendosi kështu të ndjekë të njëjtën taktikë, që ka përdorur edhe aleati i tij Radovan
Karaxhiq para Gjykatës së Hagës. Në audiencën e paradites, drejtuar nga gjykatësi
hollandez Alfons Orie, ai refuzoi të deklarohej “i pafajshëm” ose jo. Kështu fitoi
30 ditë për t’u përgatitur për mbrojtjen. Audienca e ardhshme do të mbahet më 4 korrik.
Mlladiç i quajti “shpifje”, 11 akuzat kundër tij e “të urryera”, fjalët e përdorura
në aktin e akuzës. Madje tundi kokën në shenjë mosaprovimi edhe kur iu lexuan akuzat
për masakrën e Srebrenicës e për rrethimin e Sarajevës. 37 faqet e aktit e akuzojnë
gjeneralin, që njihet si “kasapi i Ballkanit”, për gjenocid, krime lufte e krime kundër
njerëzimit.