Індыя: за 5 гадоў – 3800 міжрэлігійных канфліктаў

Паводле афіцыйных дадзеных Міністэрства ўнутраных спраў Індыі, у краіне за 5 гадоў, з 2004 г. па 2008 г., зафіксавана 3800 міжрэлігійных і міжнацыянальных канфліктаў. Асабліва жорсткія міжрэлігійныя супрацьстаянні адзначаны ў штаце Арысса ў 2008 г. У штаце Мадх'я-Прадэш за 5 гадоў зафіксаваны 131 канфлікт, у Махараштры – 114, у Карнатаке – 109. Ва ўсіх гэтых выпадках, піша партал “Fides”, “цэнтральны ўрад падвяргаўся крытыцы па прычыне свайго неўмяшання”.

Дадзеныя аб канфліктах, апублікаваныя ў сувязі падрыхтоўкай да прыняцця ў Індыі закона па абароне меншасцяў. Закон, на які індыйскія хрысціяне ўскладаюць вялікія надзеі, у ліпені будзе накіраваны на слуханні ў парламент. Ён дазволіць пры адсутнасці разумення і правамоцных дзеянняў мясцовых уладаў накіроўваць апеляцыю ў цэнтральны ўрад, які ў такіх выпадках будзе мець права дзейнічаць, абыходзячы мясцовыя ўлады.

Пры гэтым прадугледжваецца таксама стварэнне органа ўлады, які будзе абараняць міжрэлігійную гармонію і назіраць за сітуацыяй на месцы. Закон будзе вызначаць асаблівыя меры пакарання для тых, хто ўзбуджае міжрэлігійную варожасць, адказных за неўрэгуляванне канфліктаў, а таксама сумы кампенсацыі ахвярам.

Закон спасылаецца на арт. 355 індыйскай Канстытуцыі, якая прадугледжвае ўмяшанне цэнтральнага ўрада ў выпадках канфлікту і парушэння міру ў грамадстве.