25 միլիոն տոլար պիտի յատկացուի Հայաստանի Աթոմակայանի Անվտանգութեան Մակարդակի Բարձրացման
Համար ։
1995 թուականէն սկսեալ՝ հայկական աթոմային ելեկտրակայանէն ներս անվտանգութեան մակարդակի
բարձրացման համար յատկացուած է 130 միլիոն տոլար: Ինչպէս «Արմենփրես»-ին տեղեկացուցին
ՀՀ Ուժանիւթի եւ Բնական Պաշարներու Նախարարութենէն, այդ հարցին մէջ Հայաստանին օժանդակած
են Ամերիկայի Միացեալ Նահանգները՝ 60 մլն տոլարով, Եւրամիութիւնը՝ 26 միլիոն տոլարով
(յառաջիկայ 1-2 տարիներու ընթացքին ԵՄ-ն պիտի յատկացնէ 10 միլիոն տոլար եւս ), Ռուսաստանը՝
7,7 միլիոն տոլար (ՌԴ-ն յառաջիկային 2,5 միլիոն տոլար եւս պիտի յատկացնէ): Հայաստանին
աջակցած են նաեւ Ֆրանսան, Մեծն Բրիտանիան, ՄԱԳԱՏԷ-ն եւ Չեխիան: Յառաջիկայ 2 տարիներուն
ընթացքին հայկական աթոմային ելեկտրակայանի անվտանգութեան մակարդակի բարձրացման համար
պիտի յատկացուի 25 միլիիոն տոլար եւս: Արդէն իսկ ներդրուած 130 միլիոն տոլարին մէջ ներառուած
է ՀԱԷԿ-ի սեփական միջոցներով յատկացուած 15 միլիոն տոլարը