Գաղթականներու եւ Փախստականներու Քահանայապետական Խորհուրդի Նախագահ Կարտինալ Անթոնիօ Մարիա Վելիոն Կ՛այցելէ Հունգարիան։

Կարտինալ Անթոնիօ Մարիա Վելիոն՝ նախագահը Գաղթականներու եւ Փախստականներու Քահանայապետական Խորհուրդին, ընդառաջելով Գերապայծառ Եամոս Ճէգէլիի հրաւէրին, Յունիս 1 էն 6 (2011) հովուական այցելութիւն կը կատարէ Հունգարիա, ուր հինգշաբթի 2 յունիսին կը մասնակացի Քրիստոնեայ / Հրեայ/ Իսլամ միջկրօնական երկխօսութեան հանդիպումի մը, կազմակերպուած Պուտաբէշտի մէջ Հունգարիոյ Եւրոմիութեան վեցամեայ Նախագահութեան առթիւ։ 3 յունիսին Կարտինալը կը մասնակցի Սրբավայրերու մասին հանդիպումի մը, ուր ելոյթ կ՛ունենայ ՜՜Սրբավայրերու դերը Եւրոպայի Նոր աւետարանութեան առաքելութեան համար՝՝ նիւթին մասին։ Շաբաթ 4 յունիսին Կարտինալ Վէլիոն պիտի այցելէ Մարիաբոքս ազգային սրբավայրը, ուր հանդիպում պիտի ունենայ գնչու ընտանիքներու հետ։ Իսկ Կիրակի 5 յունիսին Գնչուներու տարեկան ուխտագնացութեան առթիւ, Գաղթականներու եւ Փախստականներու Քահանայապետական Խորհուրդի Նախագահը` Մաթրավերեպելի - Շէնթգութ Սրբավայրին մէջ պիտի նախագահէ Սուրբ պատարագին որուն ընթացքին 33 փոքրիկ Գնչուներ պիտի ստանան առաջին Ս. Հաղորդութիւնը։