Papa, Karitasit Ndërkombëtar: pa iu referuar Zotit, mund të biem pre e ideologjive
të dëmshme
Pa një themel transhendet, pa iu referuar Zotit Krijues, pa marrë parasysh fatin tonë
në amshim, rrezikojmë të bëhemi pre e ideologjive të dëmshme”. Kështu u tha Benedikti
XVI të premten pjesëmarrësve në asamblenë e përgjithshme të Karitasit Ndërkombëtar,
e cila u zhvillua javën e kaluar në Romë. “Gjithçka bëni e thoni – theksoi Papa
– dëshmia e jetës dhe e veprimtarisë suaj, është e rëndësishme e kontribuon në nxitjen
e së mirës së gjithanshme të njeriut”. “Caritas Internationalis – shpjegoi akoma Ati
i Shenjtë – është një organizatë, së cilës i takon roli i favorizimit të bashkimit
ndërmjet Kishës universale dhe Kishave të veçanta, si edhe nxitja e bashkimit ndërmjet
të gjithë besimtarëve, në ushtrimin e bamirësisë. Njëkohësisht, ai është i thirrur
të japë kontributin e vet për ta përçuar mesazhin e Kishës në jetën politike e shoqërore,
në planin ndërkombëtar”. Të pranishëm në asamble ishin edhe përfaqësues të Karitasit
e të Kishës Katolike nga Shqipëria, Kosova e Mali i Zi. Të dëgjojmë fillimisht
presidentin e Karitasit të Shqipërisë, imzot Xhorxh Frendon..........
Ia drejtuam
mikrofonin edhe presidentit të Konferencës Ipeshkvnore të Shën Çirilit e Shën Metodit,
kryeipeshkvit të Tivarit, imzot Zef Gashi........