Հնդկաստանի Ասորի Մալապար Եկեղեցւոյ Եպիսկոպոսապետի Ընտրութիւնը։

Ասորի մալապարներու եկեղեցւոյ եպիսկոպոսապետը մինչեւ օրս կը նշանակուէր Սրբազան Քահանայապետին կողմէ։ Ասորի Մալապար Եկեղեցին Հնդկաստանի Արեւելեան ամենամեծ եկեղեցին է։
Առաջին անգամն է որ Եպիսկոպոսապետ ընտրելու իրաւասու՝ 29 թեմերէ 46 եպիսկոպոսներ, Հնդկաստանի Քերալա նահանգի՝ Քոշի քաղաքին մէջ, ժողով գումարեցին եւ ընտրեցին իրենց եպիսկոպոսապետը, յանձին Գերապայծառ Ժորժ Ալէնքէրրի Թուքալայի եպիսկոպոս։26 Մայիսին Նորին Սրբութիւնը Արեւելեան եկեղեցւոյ Կանոնագիրքի 153-րդ յօդուածով հաստատեց Ալենքէրրի եպիսկոպոսի ընտրութիւնը։
Յայտնենք թէ Հնդկաստանի կաթողիկէ եկեղեցին, երեք ճիւղաւորումներ ունի. մէկը Լատին` որը ամենամեծն է, ապա Ասորի Մալապար՝ եկեղեցին որ ունի 4 միլիոն հաւատացեալ եւ երրորդը՝ Ասորի Մալանքար եկեղեցին։
2004-ին երանելի Յովհաննէս Պօղոս Բ. Քահանայապետի տնօրինումով Ասորի Մալապար եկեղեցին իրաւասութիւնը ունեցաւ անձամբ ընտրելու իր եպիսկոպոսապետը, Սրբազան Քահանայապետի հաւանութեամբ։
Գերապայծառ Ժորժ Ալէնքէրրի ծնած է 1945 ին։ Կուսակրօն քահանայ ձեռնադրուած է 1972-ի նոյեմբեր 19-ին, եւ 1996-ի նոյեմբերին անուանուեցաւ Թուքալայի եպիսկոպոս ընդունելով՝ եպիսկոպոսական ձեռնադրութիւնը 1997ին։ 24 մայիս 2011-ին, ընտրուեցաւ Հնդկաստանի Ասորի Մալապար Եկեղեցւոյ Եպիսկոպոսապետ յաջորդելով Կարտինալ Վարքէյ Վիթհայաթիլի։