Michel Roy, sekretar i ri i Karitasit Ndëkombëtar: të ndërtojmë një botë më të mirë,
jo më peng i financës.
Karitasi Ndërkombëtar ka një sekretar të ri të përgjithshëm. Quhet Michel Roy. U zgjodh
dje nga Asambleja Përgjithshme e organizmit, mbledhur që të dielën e kaluar në Romë,
me temë “Një familje e vetme njerëzore-zero varfëri”. Sekretari i ri është francez,
drejtor i sektorit ndërkombëtar të Karitasit të Francës. Zë vendin e Lesley-Anne
Knight. E nisi detyrën e re, duke vënë theksin mbi forcimin e gjallërisë së rrjetit
të Karitaseve të ndryshme, në mënyrë që të gjitha së bashku ta çojnë zërin e të varfërve
në veshin e institucioneve, që qeverisin Planetin, për të ndërtuar, kështu, një botë
të re, e cila nuk merret kurrë më peng nga financat!