Kardinali Rodríguez Maradiaga rizgjidhet kryetar i Karitasit Ndërkombëtar
Kardinali Oskar Andrés Rodríguez Maradiaga, kryeipeshkëv i Teguçigalpës, u zgjodh
dje kryetar i Karitasit Ndërkombëtar, detyrë që e ka kryer gjatë katër viteve të fundit.
Zgjedhja u bë gjatë Asamblesë së Përgjithshme të Konfederatës së organizmave bamirëse,
që vijon në Romë deri më 27 maj. Kardinali Rodríguez Maradiaga vë theksin
mbi dy sfida, që burojnë nga rrethanat e sotme ndërkombëtare, në ndryshim të shpejtë
e të vazhdueshëm, të cilat Karitasi Ndërkombëtar nuk mund të mos i ketë mirë parasysh
në të ardhmen e afërt: “Zero varfëri, një familje e vetme njerëzore” është
tema e Karitasit Ndërkombëtar për katër vitet e ardhshme. Janë dy vlera, që duhet
t’i inkurajojmë: të kufizojmë varfërinë e të thellojmë bashkimin në familje. Mendoj
se kjo ka rëndësi të veçantë sepse, siç ka thënë Ati i Shenjtë, ekziston rreziku që
bankat t’i harrojnë të gjitha vuajtjet, pasojë e krizës ekonomike e të rikthehen edhe
një herë problemet e mprehta financiare. Pra, mendojmë të ecim përpara me këtë projekt”.
Të
nxitësh veprat e bamirësisë, në dritën e mësimeve të Kishës, do të thotë edhe t’u
përgjigjesh emergjencave dhe kërkesave për ndihmë, pa e harruar kurrë identitetin
katolik. Të dëgjojmë, në mikrofonin tonë, Chris Tucker, përfaqësues i Karitasit
të SHBA-s:
Përgjigje: – I would say our catholic identity ...
Identiteti ynë katolik nuk është vetëm vendimtar, por edhe ekzistencial për ne, si
të krishterë, sepse na krijon kushtet të vijojmë punën, me të njëjtën frymë, ashtu
si e kemi realizuar deri tani. Edhe në vendet ku të krishterët, e sidomos katolikët,
nuk përfaqësojnë shumicën, mendoj se njerëzit me formim fetar shikohen me respekt
të thellë. E duhet theksuar edhe se ndjehet fort konsiderata e madhe për Kishën katolike.
Misioni
i Karitasit Ndërkombëtar nuk mund të shkëputet nga puna në skuadër. Një shembull simbolik
është ai i Haitit, ku dramës së tërmetit të 13 janarit të 2010-tës, iu përgjigjen
vullnetarë të Karitaseve nga vende të ndryshme të botës: Akoma Chris Tucker:
Përgjigje-
There was a coordination… Patëm ndërmjet nesh një bashkëpunim të ngushtë,
për të siguruar rezultate të përbashkta, pa menduar për asnjë çast që t’ia kalonim
njëri-tjetrit. Mendoj se është një shenjë e qartë, e cila tregon sa e mrekullueshme
është prania e Kishës në situata emergjence, si në Haiti, ashtu edhe kur është fjala
për të përballuar sfidat e zhvillimit.
Veprimtaria e Karitasit Ndërkombëtar
lidhet ngushtë me atë, që zhvillojnë shtetet për të ndihmuar popullsinë në situata
krize. Përgjigjet Mark Richards, i Karitasit të Zelandës së Re:
Përgjigje:
– Our mandate is actually rather...Mandati ynë është mjaft i gjerë, por
nuk ka të bëjë me mjedisin familjar, sipas kuptimit njerëzor të kësaj fjale: për këtë
impenjohen shërbimet shoqërore. Ne ndjekim aspektin humanitar, çojmë ndihma, i japim
shtytje zhvillimit: jemi agjencia, që lidh Konferencat ipeshkvnore me qeveritë.