Obama: lidershipi i perëndimit është i domosdoshëm

Lidershipi i SHBA-së dhe i aleatëve të saj evropianë vazhdojnë të jenë të “domosdoshëm” në këtë shekull edhe para daljen në pah të fuqive të reja si Kina, India e Brazili. Ky është mesazhi që presidenti amerikan Obama bëri sot në Westminster hall, gjatë një fjalimit të përqendruar mbi vlerat universale të përbashkëta e të mbrojtura së bashku me Britaninë e Madhe.
“Është gabim të themi se rritja e vendeve si Kina, India e Brazili do të thotë fundi i lidershipit amerikan e evropian, pohoi Obama, edhe nëse kombet tjera do të marrin përgjegjësinë e lidershipit global, aleanca jonë do të jenë e domosdoshme”.
Si kryetar i parë i Shtëpisë së Bardhë që u drejtohet përmes një fjalimi lordëve e deputetëve britanikë, Obama u paraqit si “nip i një keniotiani që ishte kuzhinier i ushtrisë britanike e që tani është para jush si president i SHBA-së”. E deshi të nënvizonte se si aleanca ndërmjet Uashingtonin e Londrës është “njëra ndër më të lashtat e më të fortat aleanca që bota ka njohur ndonjëherë”. Një aleancë e bazuar mbi një bashkëndarje të vlerave. “Në dallim nga pjesa më e madhe e vendeve në botë, ne shtetësinë (nënshtetësinë) tonë nuk e përcaktojmë mbi bazën e racës apo të etnisë”, pohoi Obama, duke shpjeguar se të jesh amerikan apo britanik do të thotë “të besosh në disa ideale të caktuara".