Obama: dy shtete, por jo njohje të Palestinës në OKB, në shtator
Në ditën e dytë të vizitës së tij në Britaninë e Madhe, presidenti amerikan Barak
Obama u ndal sërish në procesin e paqes në Lindjen e Mesme, në një konferencë shtypi
të përbashkët me kryeministrin britanik, Dejvid Kamerun. Dy shtete, një palestinez
e një izraelit, janë të mundur, por kërkesa e presidentit Mahmud Abaz për ta njohur
Palestinën nga OKB-ja në mbledhjen e saj të shtatorit, është e gabuar. Kështu tha
Barak Obama, duke theksuar se zgjidhja e problemeve ndërmjet dy popujve do të kërkojë
kompromise të mëdha nga të dyja palët. Në konferencën e shtypit u fol edhe për
pranverën arabe. Si Obama, ashtu edhe Kamerun, nënvizuan se koloneli libian Muhamar
Gedafi duhet të largohet nga pushteti. E ardhmja e vendit duhet menduar pa të. Një
reflektim edhe për krizën ekonomike botërore. Sipas Obamës, të gjitha vendet duhet
të zvogëlojnë borxhin e tyre publik, që t’i hapin dyert zhvillimit ekonomik dhe investimeve,
por secili duhet ta vendosë këtë mbi bazën e mundësive.