Каны: фільмовы “Дыялог з Богам” атрымаў Залатую пальмавую галіну
Фільм "Дрэва жыцця"
амерыканскага рэжысёра Тэрэнса Маліка быў адзначаны ў нядзелю Залатой пальмавай галінай
Канскага кінафестывалю. Названы кінакрытыкамі "дыялогам з Богам” і Яго стварэннем
кінатвор пачынаецца з пытання са Старога Запавету: "Дзе ты быў, калі я стварыў зямлю?",
якое Бог паставіў Ёву, што сумняваецца ў Божай дабрыні. У ім неаднаразова цытуецца
Кніга Мудрасці.
Сямейная гісторыя ў Тэхасе 1950 года з'яўляецца адпраўным
пунктам для "патоку свядомасці", паслядоўнасці касмічнага вымярэння, над якімі Малік
працаваў больш за 30 гадоў. У фільме навіна аб смерці дзіцяці, якая шакавала яго бацьку
(Брэд Піт) і яго маці (Джэсіка Кастэйн) – нагадвае гісторыю стварэння, якая пачынаецца
з вялікага выбуху, а затым фарміравання Зямлі. Асноўнае апавяданне фільму адбываецца
вакол унутранага маналогу паспяховага архітэктара (Шон Пэн), які пытае сябе аб сэнсе
свайго паходжання, крызісаў у дзіцячым узросце, аб віне і сэнсе існавання.
Фільм
Маліка быў гатовы яшчэ год таму, але аўтар не быў задаволены вынікам і адправіў працу
на паўторны мантаж. Паводле нямецкай каталіцкай "Кінаслужбы" ("Film-Dienst") "для
гэтага магутнага фільму, які можна падзяліць на чатыры часткі, адпаведная назва да
гэтага часу не знойдзена: эсэ, паэма, філасофскае разважанне, імпрэсіянісцка-калейдаскапічная
сімфонія ...".
Народжаны ў 1943 г. Тэрэнс Малік, які асабіста не прысутнічаў
на ўручэнні ўзнагароды ў Каннах, зрабіў у сваім жыцці толькі некалькі фільмаў, але
ўсе яны з'яўляюцца бліскучымі шэдэўрамі. Праца "Дрэва жыцця", гэта пяты паўнаметражны
фільм рэжысёра, які яшчэ ў 1979 г. атрымаў у Канах за кінаопус "Дні жніва" прыз за
лепшую рэжысуру.