Papa: bashkimi i fort evropian vetëm nëse bazohet mbi rrënjët e krishtera
Bashkimi i popujve evropianë “do të jetë më i qëndrueshëm nëse mbështetet mbi rrënjët
e përbashkëta të krishtera”, ndërsa nuk mund të jetë “bashkim real” ndërmjet popujve
“pa respektimin e dinjitetit të çdo personi njerëzor dhe të të drejtave të tij të
patjetërsueshme”. Kështu pohoi mes tjerash Papa Benedikti XVI gjatë audiencës në Pallatin
Apostolik së me presidentin e republikës së Maqedonisë, George Ivanov, dhe presidentin
e Parlamentit të Bulgarisë, Tsetska Tsacheva, me rastin e shtegtimit të përvitshëm
për festën e Shën Cirilit e Metodit,” pionierët e ungjillëzimit të Evropës – tha Papa
-, personalitete që nderohet si në Lindje, po kështu edhe në Perëndim”. “Dëshmia
dhe mësimi i shën Cirilit e Metodit janë akoma aktuale si për ata që janë në shërbim
të fateve të Kombeve”, pohoi Ati i Shenjtë Benedikti XVI duke folur para delegacionit
maqedonas të udhëhequr nga presidenti Ivanov. “Në pranimin e planit shpëtimprurës
të Zotit – shtoi Ati i Shenjtë Racinger – popujt mund të gjejnë frymën dhe shpirtin
e pajtimit e të bashkëjetesës paqësore. Nuk mund të ketë bashkim pa respektimin e
dinjitetit të çdo njeriu e të të drejtave të tij të patjetërsueshme”.