Komisioni Evropian mendon rivendosjen e vizave për Maqedoninë e Serbinë
Pas një periudhe prove, Komisioni Evropian do të propozojë nesër rivendosjen e vizave
për vendet e Ballkanit Perëndimor, qytetarët e të cilëve kanë abuzuar me sistemin
e liberalizimit të qarkullimit jashtë shtetit. Fjala është kryesisht për Maqedoninë
e Serbinë, nga ku kanë qarkulluar në Evropë njerëz, të cilët kanë kërkuar më pas strehim
politik në një numër vendesh të Bashkimit Evropian. Azilkërkuesit janë me etni rome
e shqiptare dhe e patën detyruar ministrin belg të emigracionit të shkonte në Beograd
për të shprehur shqetësimin e vendit të tij. Këta persona bëjnë kërkesë për strehim
politik, pavarësisht se e dinë se nuk do t’u miratohet, pasi kështu, mund të shfrytëzojnë
periudhën e pritjes së vendimit, gjatë së cilës u jepet një banesë falas dhe një shumë
e vogël të hollash. Komisarja për Punët e Brendshme evropiane, Sesilia Mallstrom
do të propozojë një klauzolë sigurie për lejimin e rivendosjes së regjimit të vizave.
Ambasadat po riorganizohen për të dëguar sërish konsullin në Maqedoni e Serbi. Regjim
të ngjashëm qarkullimi në Bashkimin Evropian kanë edhe Shqipëria, Mali i Zi e Bosnjë-Hercegovina.