“Octava Dies”. Кітай і адзінства з Апостальскай Сталіцай
Кс. Фэдэрыка Ламбардзі,
кіраўнік Залі Друку Апостальскай Сталіцы пракаментаваў нядаўні заклік Святога Айца
да малітвы ў Кітаі. Дзень адмысловай малітвы за гэту краіну будзе адзначацца ва ўсім
Касцёле 24 мая. “Святы Айцец верыць у сілу малітвы і заклікае да ўпэненасці, што
праз малітву мы можам зрабіць нешта рэальнае для гэтага Касцёла”, - заявіў кс. Ламбардзі.
“Больш
за 20 гадоў таму я быў некалькі дзён у Кітаі”, - узгадаў ён. - Пасля Эўхарыстыі, якую
я цэлебраваў з вялікім узрушэннем з некалькімі святарамі ў кватэры адной сям’і, да
мяне падышоў сталага ўзросту святар і запытаў па-французску: “Як здароўе Яго Святасці”.
Гэта былі часы, калі Інтэрнэт яшчэ не існаваў. Вядома, кітайскія СМІ не гаварылі пра
дзейнасць Папы. Я раптам зразумеў, - узгадаў кс. Ламбардзі - з якой вялікай верай
і любоўю, кітайскія католікі на працягу шматлікіх дзесяцігоддзяў жывуць і моляцца
ў духоўнай еднасці з Папам і Рымскім Касцёлам, і гэта мяне вельмі ўразіла”, - адзначыў
кс. Ламбардзі ў сваёй аўтарскай рубрыцы “Octava Dies” на Ватыканскім радыё.
Ён
нагадаў, што менавіта аб гэтым адзінстве і яго важнасці часта кажа папа Бэнэдыкт ХVI
і запрашае нас захоўваць і дэманстраваць яго, звяртаючыся да Пана праз пасрэдніцтва
“Панны Марыі Успамогі Хрысціянаў”, якую ўшаноўваюць кітайскія католікі ў славутым
санктуары Шэшан у Шанхаі. Святы Айцец звяртае ўвагу на тое, што вернікі Кітая “маюць
права на нашу малітву, маюць патрэбу ў нашай малітве”. На думку Генеральнага дырэктара
Ватыканскага радыё, сітуацыя Касцёла ў гэтай краіне сёння назначана пакутамі і ціскам
супраць адзінства з Апостальскай Сталіцай і таму мы павінны маліцца за яго яшчэ больш
інтэнсіўна.