Хрысціяне у горадзе, дзе быў забіты Усама бен-Ладэн, пад пагрозай
Сітуацыя ў Абботабадзе,
горадзе, дзе быў забіты Усама бен-Ладэн, застаецца вельмі трывожнай для рэлігійных
меншасцяў, сказаў кс. Джавед Акрам Джыл, мясцовы каталіцкі пробашч, словы якога цытуе
“AsiaNews”. Як католікі, так і вернікі іншых хрысціянскіх дэнамінацый, пераважна застаюцца
дома, а і іх душпастыры ўстрымліваюцца ад візітаў да іх.
Святар адзначыў, што
смерць лідэра Аль-Каіды “усяліла страх у прадстаўнікоў хрысціянскай супольнасці” горада,
таму што “кожны раз, калі амерыканцы штосці кажуць або робяць, хрысціяне ў Пакістане
становяцца мэтай нумар адзін”. Паводле яго слоў, усе галоўныя дарогі горада зачынены.
160 католікаў – вернікаў яго парафіі – баяцца стаць у любы момант ахвярамі помсты
ісламскіх фундаменталістаў. “Усе хрысціянскія сем'і з раёна Білала, дзе пражываў бен-Ладэн,
збеглі ў іншыя месцы”, - дадаў святар.
Члены іншых хрысціянскіх дэнамінацый
таксама забарыкадаваліся ў сваіх будынках у рэгіёне, дзе і без таго ўжо шмат гадоў
хрысціяне пазбаўлены магчымасці збірацца разам з-за ціску мясцовых ісламістаў.
Бен-Ладэн,
заснавальнік Аль-Каіды, быў забіты 2 мая ў ходзе налёту амерыканскага спецназа на
яго дом у Абботабаде, у прыблізна 60 км ад Ісламабада.