Арцыбіскуп Вэльё: танная працоўная сіла – гэта рабства
У Рыме скончыў працу
кангрэс па барацьбе з сучаснымі формамі рабства. Яго арганізавала амерыканскае пасольства
пры Апостальскай Сталіцы з нагоды 10 гадавіны Пратакола з Палерма. Краіны, якія падпісалі
яго, узялі на сябе абавязак змагацца з новымі формамі рабства.
У форуме прыняў
удзел арцыбіскуп Антоніё Марыя Вэльё, старшыня Папскай рады пастырства эмігрантаў
і падарожнікаў. У сваёй прамове ён адзначыў, што “сёння практычна кожны з нас жыве
з рабстве. І так будзе пакуль мы не пачнём цікавіцца, у якіх абставінах узнікаюць
набытыя намі прадукты і ў што банкі інвестуюць нашыя грошы”.
“Гандаль людзьмі
з’яўляецца вельмі вялікай праблемай”, - сказаў іерарх - найбольш небяспечныя формы
гэта з’ява прымае ў выкарыстоўванні дзяцей як салдатаў. Самай вядомай формай гэтага
злачынства з’яўляецца сексуальнае рабства. У Азіі распаўсюджана рабства за даўгі.
Шматлікія бедныя сем’і прымушаюць такім чынам сваіх дзяцей да рабскай працы”, - адзначыў
старшыня Папскай рады пастырства эмігрантаў і падарожнікаў.
На думку арцыбіскупа
Вэльё, самым вялікім выклікам па гэтым пытанні з’яўляецца абуджэнне нашага сумлення.
Барацьба супраць рабства залежыць у вялікай ступені ад нашай добрай волі.