Бэнэдыкт XVI заклікае навучаць моладзь справядлівасці і міру
19 мая Бэнэдыкт XVI
абвясціў тэму 45-га Сусветнага дня міру, які будзе адзначацца 1 студзеня 2012 г. Яна
гучыць: “Навучаць моладзь справядлівасці і міру”. Папа жадае звярнуць увагу на праблему,
якае клапоціць сёння людзей ва ўсім свеце: зрабіць новае пакаленне больш адкрытым
на супольнае дабро і неабходнасць справядлівага сацыяльнага і мірнага парадку, у якім
змогуць упоўні выражацца і рэалізоўвацца фундаментальныя правы і свабоды чалавека.
У
спецыяльным паведамленні Папскай рады “Iustitia et pax” адзначаецца, што “перад сучаснымі
пакаленнямі стаіць абавязак даць нашчадкам магчымасць свабодна і адказна вырашаць
тэрміновыя праблемы “новага свету”. “Касцёл глядзіць на моладзь, як на знак заўсёды
прысутнай вясны і паказвае ім на Хрыста, як на мадэль любові, што “абнаўляе ўсе рэчы”,
- гаворыцца ў дакуменце. - Таму адказныя за грамадскія справы пакліканы намагацца,
каб установы, законы і жыццёвыя асяродзі былі прасякнуты трансцэнцэндэнтым гуманізмам,
што дае новым пакаленням магчымасць поўнай самарэалізацыі і працы на карысць пабудовы
цывілізацыі братэрскай любові ў адпаведнасці з найглыбейшымі патрэбамі праўды, свабоды,
любові і справядлівасці”.
“Маладыя людзі павінны спрыяць справядлівасці і
міру ў складаным і глабалізаваным свеце, - адзначаюць аўтары дакумента. - Гэта робіць
неабходным існаванне новага “педагагічнага альянса” усіх адказных у гэтай сферы суб’ектаў”.