З 18 мая з дапамогай
iPad можна наведаць Святую Зямлю і месцы звязаныя з зямным жыццём Езуса Хрыста. Гэта
опцыя даступна ў сістэме “Apple Store” на італьянскай, ангельскай, іспанскай і французскай
мовах. Неўзабаве з’явяцца яўрэйская і арабская мовы.
Іерусалім і Святая Зямля
з сённяшняга дня афіцыйна прысутныя і даступныя на iPad для ўсяго свету. Рэсурс уключае
шматлікія навіны, відэа і фота. З дапамогай iPad кожны веруючы можа выслаць на Святую
Зямлю свае малітвы і запаліць віртуальную свечку.
iPad дазваляе атрымліваць
усе штодзённыя навіны са святых месцаў, прагледзець відэа, зробленае Францішканскім
медыя-цэнтрам, больш паглыблена даведацца аб гісторыі Святой Зямлі.