Новая кніга Бэнэдыкта XVI “Святыя і благаслаўлёныя. Жанчыны ў Сярэднявеччы”
Ватыканскае выдавецтва
выпусціла ў свет новую кнігу папы Бэнэдыкта XVI “Святыя і благаслаўлёныя. Жанчыны
ў Сярэднявеччы”, якая прадстаўляе сабой сабранне катэхез Пантыфіка. У новай кнізе
гаворка ідзе пра жанчын, якія пакінулі глыбокі след у хрысціянскай традыцыі і разнастайнымі
шляхамі паўплывалі на сучасную ім культуру.
Гэтай кнігай Бэнэдыкт XVI працягвае
развіццё тэмы, распачатай Янам Паўлам II у яго Апостальскім пасланні “Аб годнасці
жанчыны” (1988 г.), у якім благаслаўлёны Папа прызнаў важнасць “жаночага генія” у
хрысціянскай традыцыі.
Для сваіх катэхез Бэнэдыкт XVI абраў як вельмі вядомых
святых (св. Кацярына Сіенская, св. Клара з Асізі, св. Брыгіта Шведская), так і малавядомых
благаслаўлёных: Аджэлу з Фаліньё, Маргарыту д'Уэн і Юліяну з Норвіча.
Выбар
гераінь для катэхез аказаўся вельмі своеасаблівым і закрануў таксама тыя еўрапейскія
краіны, якія пасля прынялі пратэстанцтва, што служыць яшчэ адным доказам адзіных хрысціянскіх
каранёў Еўропы.