Апостальскай Сталіца і ЗША: намаганні для прадухілення сучаснага рабства
18 мая пасольства
ЗША пры Апостальскай Сталіцы разам з універсітэтам Св. Тамаша ў Маямі (Фларыда) правядзе
ў Рыме канферэнцыю прысвечаную барацьбе з гандлем людзьмі. Сустрэча пройдзе пад дэвізам:
“Будуем масты свабоды: публічна-прыватнае партнёрства супраць сучаснага рабства”.
Мэтай мерапрыемства стане абмеркаванне феномена гэтай з’явы, вызначэнне інструментаў
і вылучэнне моцных і слабых бакоў у барацьбе з гандлем людзьмі. У сваіх дакладах удзельнікі
канферэнцыі падзеляцца інфармацыяй для мабілізацыі і каардынацыі дзейнасці розных
партнёраў у барацьбе з рабстам: міжнародных і нацыяльных арганізацый, дзяржаўных і
прыватных устаноў, свецкіх і рэлігійных асацыяцый.
Канферэнцыю адкрыюць арцыбіскуп
Антоніё Марыя Вэльё, старшыня Папскай рады пастырства эмігрантаў і падарожнікаў і
пасол ЗША пры Апостальскай Сталіцы Мігель Умбэрто Діяс. На заканчэнне сустрэчы адбудзецца
дыскусія, падчас якой будзе абмеркаваны ўклад дыпламатаў, палітыкаў, членаў міжурадавых
арганізацый, навукоўцаў, рэлігійных дзеячоў у аказанне дапамогі ахвярам гандлю людзьмі.