Palestinezët në zi pas viktimave të ditës së “Naqba”-së
(16.05.2011 RV)Izraeli vendosi sot të zgjasë edhe për 24 orë të tjera mbylljen
e kufirit me Çisjordaninë e të mbajë forcat e rendit në lartësitë e Golanit e në Jeruzalemin
lindor. Kjo, pas problemeve të djeshme në kufi me Libanin, gjatë ditës së “Naqba”-së,
me të cilën palestinezët kujtojnë lindjen e shtetit hebraik, quajtur me një fjalë
kuptimplote: katastrofë. Bilanci është i rëndë. Ushtria izraelite vrau së paku
20 manifestues, që përpiqeshin të largoheshin nga Siria e nga Libani. Palestinezët
në Liban shpallën sot një ditë zie. Analistët mendojnë se ka lidhje ndërmjet këtyre
ndeshjeve dhe destabilizimit të sjellë nga e ashtuquajtura “pranverë arabe” në të
gjithë rajonin.