Іспанія: футбалісты “Рэалу” падаравалі выйграны кубак Божай Маці
Футбалісты іспанскага
футбольнага клуба “Рэал Мадрыд” прынеслі ў дар Найсвяцейшай Панне Марыі Каралеўскі
Кубак, які яны выйгралі пасля 18 гадоў. Цэрымонію перадачы Кубка, якая адбылася ў
каталіцкай катэдры, Маці Божай Альмудена узначаліў кардынал Антоніо Варэла, арцыбіскуп
Мадрыда.
“Футбол гэта значна больш чым проста спорт. Ён мае ў сабе шмат чаго
з мастацтва і з той рэальнасці, дзе маральныя і чалавечыя каштоўнасці граюць вялікую
ролю”, адзначыў іерарх. “Каталіцкі касцёл ушаноўвае Божую Маці пад рознымі званнямі,
якія цесна звязаныя з гістрорыяй народа. - кажа кардынал Варэла - Маці Божая Альмудена
з’яўляецца сведкам “хрысціянскага нараджэння Мадрыда ў другім тысячагоддзі”,- сказаў
арцыбіскуп гэтага горада. Кардынал пажадаў футбалістам шматлікіх поспехаў, і заахвоціў
іх несці “надзею ў жыццё краіны”. Ён запрасіў, таксама, гульцоў “Рэалу” прыняць удзел
у Сусветных днях моладзі, якія пройдуць ў жніўні ў іспанскай сталіцы.
“Ахвяраванне
кубка Маці Божай Альмудена з’яўляецца вялікай радасцю, бо футбол таксама можа прычыніцца
да пабудовы лепшага свету, больш справядлівага і салідарнага”, сказаў прэзідэнт мадрыдскага
клуба Флорэнтіно Пэрэз.