Арцыбіскуп Чэллі: галоўнае заданне ўсіх СМІ - пошук праўды
13 мая ў Мінску у
Мінску адбылася сустрэча арцыбіскупа Клаўдыё Марыі Чэліі з прадстаўнікамі свецкіх
СМІ і рэлігійных СМІ. У сваёй прамове да прадстаўнікоў свецкіх мас-медыя іерарх адзначыў,
што сёння СМІ з’яўляюцца рухавіком культуры, якая хутка змяняецца. Таму Папы заўсёды
давалі настаўленні, каб прафесіяналы ў сферы камунікацыі заўсёды скіроўвалі гэта развіццё
да дабра кожнай асобы, кожнай сям’і і народа. “Дабра”, якое выяўляецца ў дары міру,
угрунтаванага на агульным дабры, што дасягаецца праз праўду, справядлівасць, свабоду
і любоў”, адзначыў арцыбіскуп Чэллі.
Прэфект Папскай рады па сродках масавай
камунікацыі падкрэсліў, што галоўным заданем усіх СМІ з’яўляецца пошук праўды і павага
да праўды. “Грамадства, ў якім СМІ карыстаюцца даверам дзякуючы сваёй праўдзівасці,
жыве ў атмасверы большай калектыўнай свядомасці. - падкрэсліў іерарх – Чалавек прагне
праўды, таму СМІ могуць дапамагчы ў дасягненні гэтай мэты”. Арцыбіскуп Чэллі заклікаў
да дыялогу ў грамадстве, які неабходны для праўды, таму што дае зразумець чужыя довады
і доказы.
Яшчэ адным аспектам дзейнасці СМІ, на які звярнуў увагу каталіцкі
іерарх, гэта справядлівасць. “Нават калі СМІ належаць пэўным групам, якія маюць свае
інтарэсы, прыватныя і грамадскія, сама па сабе сутнасць іх уздзеяння на жыццё патрабуе
ад іх не ўносіць падзелу паміж рознымі групамі. - адзначыў прэфект Папскай рады –
яны павінны ускрываць карані гэтых падзелаў, каб іх можна было зразумець і выдаліць”.
“СМІ маюць важнае заданне – абудзіць у грамадстве свядомасць таго, наколькі вялікае
значэнне мае сапраўдная роўнасць усіх людзей перад законам і роўны для ўсіх людзей
і ўсіх сацыяльных слаёў доступ да дасягненняў прагрэсу”, падкрэсліў арцыбіскуп Чэллі.
Іерарх
адзначыў таксама, што Касцёл абараняе свабоду слова і друка ў межах маральнага парадку
і супольнага дабра. “СМІ служаць свабодзе, служачы праўдзе, і яны ж знішчаюць свабоду,
калі аддаляюцца ад таго, што прўдзівае, распаўсюджваючы хлусню аб ствараючы атмасферу
нездаровай эмацыйнай рэскцыі на падзеі. – сказаў прэфект Папскай рады - Толькі калі
людзі маюць доступ да праўдзівай і вычарпальнай інфармацыі, яны ў стане імкнуцца да
супольнага дабра і бачыць у афіцыйных уладах адказных за гэтае дабро”.
Іерарх
заклікаў да развіцця культуры ўзаемапавагі, дыялогу і сяброўства. “Для развіцця такой
культуры было б пажадана пераадоліць адно з уяўленняў, зазвычай прысутнае ў СМІ, а
менавіта “ідэал мацнейшага”. - сказаў арцыбіскуп Чэллі – Такое імкненне да перавагі,
якое, зрэшты, толькі павялічвае ўзаемны страх, супярэчыць культуры сяброзства і цывілізацыі
любові”.
Падчас сваёй сустрэчы з прадстаўнікамі рэлігійных СМІ і духавенствам,
іерарх звярнуў увагу на неабходнасць інтэграцыі евангельскага паслання у “новую культуру”.
“Прыярытэтным заданнем, на наш погляд, з’яўляецца данесці голас Касцёла ў працэс фармавання
грамадскага меркавання. - сказаў арцыбіскуп Чэллі – гэта значыць падтрымліваць адносіны
з асобамі, інфармуючы іх, разам з імі разглядаючы праблемы, выходзячы з замкнутасці
на сабе. Іерарх заклікаў веруючую моладзь несці ў электронны свет сведчанне сваёй
веры і выконваць “заданне евангелізацыі гэтага „электроннага кантыненту“. “Адукацыя
ў галіне камунікацыі павінна стаць неад’емнай часткай фармацыі тых, хто працуе ў душпастырстве,
і святароў, - сказаў арцыбіскуп - Неабходна нанава перагледзець праграмы навучання
і па магчымасці арганізаваць семінары дзеля пастаяннай фармацыі для ўсіх, хто так
ці інакш займаецца душпастырствам”.