13 мая была апублікавана
інструкцыя Папскай Камісіі “Ecclessia Dei” па прымяненні Апостальскага ліста Бэнэдыкта
ХVI ў форме motu proprio “Summorum Pontificum” (Вярхоўныя Пантыфікі). Назва гэтай
інструкцыі - “Universae Ecclesiae” паходзіць ад першых словаў дакумента. Яе мэты
заключаюцца ў тым, каб “гарантаваць правільную інтэрпрытацыю і прымяненне” Апостальскага
ліста Бэнэдыкта XVI, захаваць для вернікаў найбольш старажытную Рымскую Літургію,
якая з’ўляецца каштоўным скарбам і спрыяць прымірэнню ўнутры Касцёла”.
“Тры
гады таму, калі толькі быў апублікаваны ліст Пантыфіка прысвечаны літургіі згодна
Імшала 1962 г. Святы Айцец заклікаў біскупаў дасылаць у Апостальскую Сталіцу свае
заўвагі і цяжкасці, якія ўзнікаюць у гэтай сферы. На падстваве гэтых заўваг была напісанна
дадзеная інструкцыя - сказаў сёння падчас прэс-канферэнцыі кіраўнік Залі Друку Апостальскай
Сталіцы кс. Фэдэрыка Ламбардзі - Такім чынам Інструкцыя з’яўляецца плёнам трохгадовага
даследвання прымянення закона, якое было прадугледжана ад самага пачатку”.
“Дакумент
з’яўляецца даволі лёгкім для чытання. - расказаў кс. Ламбардзі - У ім апісваецца
гісторыя Рымскага Імшала. Адзначаецца таксама, што дзве формы Рымскай Літургіі, якія
акрэслены як звычайная і незвычайная, уяўляюць сабой выкарыстанне адзінага Рымскага
абрада. Абедзьве формы з’яўляюцца выразам аднаго малітоўнага закона Касцёла”. “Улічваючы
веліч і старажытнасць незвычайная форма павінна быць захавана з пашаны”, напісана
ў Інструкцыі. Нарматыўная частка дакумента складаецца з 23 кароткіх пунктаў, якія
тычацца розных аргументаў: кампетэнцыі біскупаў на дазвол трыдэнцкай літургіі, тлумачэнне
паняццяў, адносіны паміж двума формамі Літургіі, нормы якія тычацца літургічных кніг
і г.д.