Бэнэдыкт XVI: хрысціяне і яўрэі павінны разам сведчыць аб годнасці чалавека
12 мая Бэнэдыкт XVI
прыняў на аўдыенцыі дэлегацыю яўрэйскай грамадскай арганізацыі “B'nai-B'rith International”
. Гэта арганізацыя была заснавана ў 1843 г. у Н’ю Ёрку. Яна займаецца дабрачыннай
і праваабарончай дзейнасцю.
У сваім пасланні Святы Айцец, падзякаваў удзельнікам
арганізацыі ““B'nai-B'rith International”, за яе пазітыўны ўклад у развіццё каталіцка-яўрэйскага
дыялога. Пантыфік прыгадаў, аб шматлікіх сумесных сустрэчах арганізаваных гэтай арганізацыяй
і Папскай камісіяй па справах рэлігійнага дыялогу ў яўрэямі. “Сустрэча, якая адбылася
ў Парыжы, падцвердзіла жаданне католікаў і яўрэяў, разам выконваць складаныя задачы,
якія стаяць перад нашымі грамадствамі, а таксама супольна змагацца з несправядлівасцю,
дыскрымінацыямі і парушэннем правоў чалавека.- сказаў Папа - Існуе шмат спосабаў
для таго, каб хрысціяне і яўрэі, маглі супрацоўнічаць на карысць міра і дабра чалавецтва.
Нашы думкі звяртаюцца да спраў міласэрнасці і служэння бедным, а таксама да агульнага
сведчання аб нашым глыбокім перакананні ў тым, што кожны мужчына і жанчына створаны
на цудоўны вобраз, таму маюць недатыкальнасць і годнасць”. “Гэта пераканне з’ўялецца
фундаментам, для таго, каб спрыяць абароне правоў кожнага чалавека”, адзначыў Бэнэдыкт
XVI.
Пантыфік падкрэсліў, што хрысціяне і яўрэі павінны супольна спрыяць разуменню
ролі рэлігіі ў жыцці сучаснага грамадства, як інструмента, які пазбаўляе ад няпоўнага,
гарызантальнага бачання чалавечай асобы і сумеснага жыцця людзей.