У Італіі 13 працэнтаў
кніжнага рынку складаюць кнігі і выданні на рэлігійную тэматыку. Цікава, што апошнім
часам да выпуску і продажу рэлігійнай літаратуры праяўляюць цікавасць свецкія выдавецтвы
і крамы.
Сярод рэлігійных бэстсэллераў першыя пазіцыі утрымліваюць кнігі Яна
Паўла ІІ і Бэнэдыкта XVI. Таксама папулярнасцю карыстаецца “Дзённік” св. Фаўстына
Кавальскай і кнігі кардыналаў Карла Марыі Марціні, былога арцыбіскупа Мілана і Джанфранка
Равазі, прэфекта Папскай рады па культуры.
Сярод кніг свецкіх аўтараў пішучых
на рэлігійную тэматыку, лідэрам з’яўляецца кніга вядомага спартыўнага каментатара
Паоло Брозіо “Крок ад прорвы”. У ёй аўтар апавядае аб сваім навяртанні падчас пілігрымкі
ў Меджугор’ю. Было прададзена каля 200 тыс. экзэмпляраў гэтай кнігі.
“Апошнія
некалькі гадоў павялічваецца колькасць чытачоў і нават атэісты адчуваюць патрэбу ў
дыялогу з веруючымі, каб пазнаёміцца з тымі каштоўнасцямі, якія могуць стаць фундаментам
новага гуманізма”, адзначае кс. Раміна Гібеліні, дырэктар аднаго з італьянскіх кніжных
выдавецтваў.