Святы Айцец заклікаў жыхароў Венецыі будаваць масты дыялогу і любові
Вечарам 7 мая Бэнэдыкт
ХVI прыбыў з Аквілеі ў Венецыю. Вітаючы жыхароў гэтага горада Святы Айцец нагадаў
ім аб адносінах з Венецыяй яго папярэднікаў. “У свой час Патрыярхамі гэтага гораду
былі Ян Павел І, благаслаўлёны Ян ХХІІІ і святы Пій Х, якія пазней сталі Рымскімі
Папамі”, сказаў Пантыфік. Бэнэдыкт XVI падкрэсліў, што адначасова яго “падарожжа ў
Венецыю з’яўляецца працягам візітаў, папаў Паўла VI благаслаўлёнага Яна Паўла ІІ".
“Венецыя
– гэта месца сустрэчы людзей з розных кантынентаў, - адзначыў Святы Айцец - Дзякуючы
сваёй прыгажосці, гісторыі, традыцыям, на працягу стагоддзяў яна была мастом паміж
Захадам і Усходам. У наш час гэты горад пакліканы да асаблівай адказнасці ў спрыянні
культуры гасціннасці і ўзаемнага абмену, якая дапаможа будаваць масты дыялогу паміж
народамі і краінамі, а таксама культуры гармоніі і любові ўкаранёнай ў Евангеллі”.
Пантыфік
нагадаў аб тым, што менавіта хрысціянства складае фундамент венецыянскай культуры,
праявы чаго відавочны і сёння ў шматлікіх рэлігійных помніках архітэктуры. “Вашы продкі
добра ведамі, што жыццё чалавека ў руках Бога і без Яго благаслаўлення чалавек не
можа нічога. - сказаў Папа - Таму наведваючы ваш горад, малюся да Пана, каб умацоўваў
вашу шчырую і плённую веру, якая ажыццявіць вашу надзею і пошук агульнага дабра”