Пачынаецца візіт Святога Айца ў Аквілею і Венецыю

7 мая пачынаецца двухдзённы візіт Бэнэдыкта XVI на поўнач Італіі, ў Аквілею і Венецыю. Дэвізам гэтай пілігрымкі сталі слова “Умацоўвай нашу веру”.

Падчас візіту Папа сустрэнецца з арганізатарамі Касцёльнага з’езду, які адбудзецца ў Аквілеі ў 2012 г. Затым Пантыфік накіруецца ў Венецыю, дзе ў базыліцы св. Марка памоліцца пры рэліквіях святога. У нядзелю 8 мая Бэнэдыкт XVI узначаліць літургію, якая пройдзе ў венецыянскім парку св. Юліяна.