З нагоды беатыфікацыі
Яна Паўла II, Цэнтр Сімона Візенталя ў Лос-Анджэлесе хоча прысвяціць благаслаўлёнаму
Папе месца ў пастаяннай экспазіцыі “Музея талерантнасці". Яна уключыць у сябе асноўныя
моманты яго "гістарычнага сяброўства і салідарнасці з яўрэйскім народам". У сакавіку
гэтага года Цэнтр узнагародзіў памерлага ў 2005 г. Пантыфіка медалём за адвагу, які
быў перададзены ў Нью-Ёрку Апостальскаму нунцыю ў Злучаных Штатах, арцыбіскупу Пьетра
Самба.
"Папа Ян Павел II заўсёды захоўвае спецыяльнае ганаровае месца ў сэрцах
яўрэяў ва ўсім свеце", - сказаў заснавальнік і дырэктар Цэнтра Сімона Візенталя рабін
Марвін Хір. Падчас двух прыватных аўдыенцый ён пазнаў "выключнасць гэтага вялікага
чалавека", яго чалавечае цяпло ў адносінах да іншых і асаблівую сімпатыю да кожнага,
хто перажыў Халакост.
Ян Павел II застанецца ў памяці як чалавек, які ўзяў
новы курс у часта бурных адносінах паміж Касцёлам і юдаізмам, сказаў Хір. "Ён быў
першым Папам у 2000-гадовай гісторыі Касцёла, які маліўся ў сінагозе, упершыню пабываў
у канцлагеры і прызнаў Дзяржаву Ізраіль".
Цэнтр Сімона Візенталя з'яўляецца
адной з найбуйнейшых міжнародных яўрэйскіх арганізацый па правах чалавека, да якой
належаць каля 400 тыс. сем'яў.