Fotografia e Lumnimit të Gjon Palit II

Portreti i të Lumit Gjon Pali II, zbuluar në çastin e lumnimit, vijon t’i shikojë me buzë në gaz shtegtarët, që vërshojnë në Bazilikë, për t’u takuar edhe një herë me Papën e dashur, të Lum, para se të rikthehen në viset e veta. Është realizuar, sipas traditës, me teknikën e sixhadesë. Si model, shërbeu një fotografi e Karol Vojtilës, e fotografit polak Grzegorz Galazka, bërë më 19 shkurt 1989, gjatë vizitës së Atit të Shenjtë në një nga famullitë romake.
Karol Vojtila, me mantelin e kuq mbi veladonin e bardhë, u buzëqesh besimtarëve.Galazka e ndoqi Gjon Palin II me aparatin e tij fotografik, që nga zgjedhja, deri në ditët e fundit, duke ia ruajtur gjithë jetën të shtamposur në fotografi.