Каталіцкія іерархі
Святой Зямлі, ў лісце скіраваным да вернікаў, звяртаюць увагу на тое, што беатыфікацыя
Яна Паўла ІІ асаблівым чынам хвалюе чалавецтва, таму што ён з’яўляецца благаслаўлёным
і святым нашых дзён.
“Мы сустракаліся з ім, як з пілігрымам, - гаворыцца ў
дакуменце. Ён з’яўляецца для нас прыкладам веры, дыялогу і супакою, нязломным сведкам
і чалавекам цярпення. Мы слухалі яго словы, якія нас умацоўвалі ў веры і надзеі”.
“З ім,- мы абмяркоўвалі ўсе радасці, цярпенні і надзеі нашых дыяцэзій і нашага народу”,
- адзначаюць іерархі.
Напярэдадні беатыфікацыі Яна Паўла ІІ у Іерусаліме і
Бэтлееме, адбудзецца адарацыя Найсвяцейшага Сакрамэнту ў інтэнцыі плённага перажывання
гэтай падзеі. У Назарэце, у базыліцы Звеставання, а таксама ў Аммане, у цэнтры Каралевы
Супакою, вернікі і пілігрымы будуць удзельнічаць у малітоўным чуванні.
На цырымоніі
беатыфікацыі ў Рыме будзе прысутнічаць дэлегацыя святароў і вернікаў са Святой Зямлі.