30 красавіка пачынаюцца
мерапрыемствы ў рамках беатыфікацыі Слугі Божага Яна Паўла ІІ. Вечарам, на тэрыторыі
Вялікага Цырка (Circo Massimo) у Рыме адбудзецца вігілія беатыфікацыі, момант асаблівай
малітвы і разважанняў над постацю будучага благаслаўлёнага. Падчас вігілійнага чування
сваімі сведчаннямі аб Яне Паўле ІІ падзеляцца яго самыя блізкія супрацоўнікі – доктар
Навара-Вальс і кардынал Станіслаў Дзівіш. Акрамя таго, сведчанне аб благаслаўлёным
дасць сястра Марыя Сімон-Пьер, якая была аздароўлена цудоўна чынам, дзякуючы заступніцтву
Яна Паўла ІІ.
Мерапрыемства на тэрыторыі Вялікага Цырка будуць суправаджаць
аркестр Рымскай Кансерваторыі св. Цэцыліі, а таксама некалькі хораў, сярод якіх польскій
хор “Gaudium Poloniae”.
Падчас ружанцовай малітвы ў вігілію беатыфікацыі адбудзецца
малітоўны тэлемост з пяцью марыйнымі санктуарыямі на розных кантынентах. Кожную таямніцу
ружанца вернікі будуць маліцца ў інтэнцыях асабліва дарагіх Слузе Божаму: за моладзь,
сем’і, евангелізацыю, надзею і мір для народаў і за Касцёл. Сярод санктуарыяў, з якімі
будзе арганізаваны тэлемост, будзе санктуарый у кракаўскіх Лагеўніках і партугальскай
Фацімы.
На заканчэнне малітвоўнага чування папа Бэнэдыкт XVІ, зноў жа з дапамогай
тэлемосту, удзеліць прысутным сваё апостальскае благаслаўленне. На працягу ўсёй ночы
ў цэнры Рыма для малітвы будуць адчынены восем касцёлаў.