Letra e fundit e Gjon Palit II, nënshkruar një ditë para vdekjes, drejtuar kuvendit
të Jasna Gorës në Çestokova.
(27.04.2011 RV)“Ia besoj atdheun tonë, mbarë Kishën e vetveten, mbrojtjes së
Saj amtare”. Totus Tuus! Ky pohim, vulosur me moton mariane të Gjon Palit II, përmbyll
një dokument, të cilin rrethanat e bëjnë historik: është fjala për një letër, e fundmja
e nënshkruar nga Papa ditën para se të vdiste. Papa e pati vulosur me datën 1 prill,
duke ia adresuar Eprorit të përgjithshëm të Eremitëve Paolinë, Izydor Matushevski,
në kuvendin e Jasna Gorës në Çestokovë. Letra shoqëronte një dhuratë të Papës – kurorën
për ikonën e “Zonjës zeshkane”, figure-simbol e Polonisë së krishterë e “zemër” shpirtërore
e mëmëdheut të Gjon Palit II.