Рэліквіярый з крывёй Яна Паўла ІІ будзе выстаўлены падчас беатыфікацыі
26 красавіка было
распаўсюджана паведамленне Залі Друку Апостальскай Сталіцы адносна рэліківій Яна Паўла
ІІ, якія будуць выстаўлены падчас цырымоніі беатыфікацыі 1 мая. “Рэліківія, якая будзе
выстаўлена для ўшанавання, - гаворыцца ў паведамленні, - гэта невялікая ампула з крывёй
Яна Паўла ІІ.”
“У апошнія дні хваробы Святога Айца асабістым ўрачом Пантыфіка
ў яго была ўзята кроў і перададзена ў Цэнтр пералівання крыві рымскай клінікі “Bambino
Gesu” для магчымага далейшага пералівання. Пераліванне не было здзейснена і кроў была
захавана ў чатырох невялікіх кантэйнерах. Два з іх былі перададзены кардыналу Станіславу
Дзівішу, асабістаму сакратару Яна Паўла ІІ; яшчэ два засталіся ў шпіталі”, - гаворыцца
ў паведамленні.
З нагоды беатыфікацыі два апошнія кантэйнеры змясцілі ў рэліквіярыі,
адзін з якіх будзе выстаўлены для ўшанавання падчас цырымоніі беатыфікацыі. Затым
ён будзе захоўвацца ў так званым “Sacrario” разам з іншымі важнымі рэліквіямі. Другі
кантэйнер будзе звернуты шпіталю “Bambino Gesu”, - адзначаецца ў паведамленні Залі
Друку Апостальскай Сталіцы.