"Homo caritatis". Біблійныя аспекты палітычнага жыцця
На працягу апошніх
гадоў папа Бэнэдыкт XVI ужо некалькі разоў казаў аб тэрміновай неабходнасці фарміравання
новага пакалення свецкіх хрысціян ў палітыцы. Адгукнуўшыся на гэты заклік Пантыфіка
мясцовыя Касцёлы ў многіх краінах свету сталі надаваць больш увагі адукацыі вернікаў
у сферы сацыяльнага навучання Касцёла, якое дае адказы на пытанні, што датычыць жыцця
палітычнай супольнасці. Аб гэтай тэме мы пагаворым у сённяшняй праграме. Нашыя разважанні
мы пачнем з біблійных аспектаў палітычнай жыцця. Менавіта са старонак Бібліі можна
атрымаць уяўленне аб ролі і місіі палітычнай улады і аб адносінах паміж уладай і грамадствам.
Панаванне
Бога
Цікава, што ў ізраільскага народа на першапачатковым этапе яго гісторыі
не было караля. Гэта звязана з тым, што яўрэі вызнавалі толькі панаванне Бога – Ягвэ.
Бог, уваходзіў у гісторыю праз харызматычных асобаў – прарокаў і судзяў. У апошняга
з іх, Самуіла, народ папрасіў караля. Самуіл папярэджваў яўрэяў, што любая ўлада недасканалая
і можа існаваць пагроза дэспатызму; аднак з іншага боку, улада з’яўляецца і дарам
Бога, які прыходзіць на дапамогу свайму народу. У выніку, на панаванне быў намашчаны
Саўл. Так у ізраільскага народа сфарміравалася адрознае ад іншых народаў разуменне
улады: кароль, абраны Яхвэ і Ім намашчаны, будзе разглядацца як Яго сын і адпаведна,
(увага!) павінен будзе зрабіць відавочным Яго панаванне і Яго план збаўлення. На гэтым
палягала і місія яўрэйскага караля – быць абаронцам слабых і гарантаваць народу справядлівасць.
Крытыка ўладароў з боку прарокаў палягала менавіта ў не выкананні каралямі гэтага
іх абавязку.
Езус Хрыстус і палітыка
Езус Хрыстус таксама не
ўспрымае і крытыкуе дэспатычную ўладу князёў, якія прыгнятаюць народы, а таксама іх
прэтэнзіі на тое, каб называцца дабрадзеямі, аднак ён ніколі не супрацьпастаўляў Сябе
уладам Свайго часу. У сваіх словах, аб неабходнасці плаціць налог Цэзару, ён кажа
аб тым, што трэба аддаць Богу Божае. Гэтым ён асуджае любую спробу абагаўлення і абсалютызацыі
зямной улады: толькі Бог, можа патрабаваць ад чалавека ўсяго. Аднак, у той жа час
зямная ўлада таксама мае права на тое, што ёй адпавядае: Езус не лічыць несправядлівым
плаціць налогі Цэзару.
Варта адзначыць, што і сам Езус быў спакушаны палітычным
месіянствам. Узгадайце, што падчас выпрабаванняў у пустыні, Сатана праноўваў Яму панаванне
над усімі народамі. Аднак Хрыстус перамог, гэту спакусу. Ён – Сын Чалавечы, які прыйшоў
для таго, “каб служыць і аддаць сваё жыццё”. Таксама і Сваіх вучняў, якія спрачаліся,
хто з іх большы, Езус навучаў дзяліцца апошнім і служыць усім. Бэнэдыкт XVI ў сваёй
апошняй кнізе “Езус з Назарэта” звяртае ўвагу на тое, што Езус надаў асаблівае значэнне
палітыцы, указаўшы сынам Завядзеевым, Якубу і Яну, шлях крыжа.
Акрамя таго,
варта заўважыць, яшчэ адзін важны аспект, а менавіта падзел паміж рэлігіяй і палітыкай.
Хоць у многіх краінах свету ён да сённяшняга дня яшчэ не адбыўся, пачатак яму быў
пакладзены яшчэ две тысячы гадоў таму. Бэнэдыкт XVI у сваёй кнізе “Езус з Назарэта”,
апавядаючы аб моманце асуджэння Хрыста на смерць, звяртае ўвагу на постаці Каяфы.
У тыя часы паняцці палітыкі і рэлігіі былі неразлучныя. Разумеючы гэта, становіцца
відавочным асаблівая зацікаўленасць дынастыі першасвятароў Анны і Каяфы, у палітычнай
уладзе. Таму ў рашэнні асудзіць Езуса на смерць праглядаецца не толькі “легітымнае
жаданне клапаціцца аб рэлігіі і народзе”, але таксама “эгаістычная манія ўлады, з
боку дамінуючай групы” . “Езус, у сваім прапаведванні і сваіх справах, - піша Папа
- абвясціў непалітычную ўладу Месіі і пачаў падзел паміж палітыкай і рэлігіяй. Аднак
гэты падзел быў магчымы толькі праз крыж”.
Першахрысціянскіясупольнасцііпалітычнаяўлада
У апостальскіх пасланнях,
знаходзяцца шматлікія сведчанні, якія апавядаюць аб адносінах паміж вучнямі Хрыста
і палітычнымі ўладамі. Св. Павел кажа, што адносіны да ўладаў павінны быць не пасіўнымі,
але згодна з сумленнем. Важным з’яўляецца тое, што Апостал народаў, не апраўдвае любую
ўладу, але імкнецца дапамагчы хрысціянам чыніць дабро усім людзям, у тым ліку і ў
адносінах да уладаў, таму што яны служаць Богу дзеля дабра асобы. Апостал Пётр таксама
заклікае да свабоднай і адказнай пакоры перад уладамі, якія клапоцяцца аб агульным
дабры і рэалізуюць справядлівасць.
Падчас пераследаў апостал Павел заклікае
да малітвы за улады. У гэтай малітве ясна адзначана, што палітычная ўлада павінна
гарантаваць спакойнае і мірнае жыццё. Калі чалавечая ўлада выходзіць за межы парадку,
які падабаецца Богу, абагаўляе сябе і патрабуе абсалютнага падпарадкавання, яна пераўтвараецца
ў апакаліптычнага звера, які спакушае людзей цудамі і прымушае іх пакланяцца яму.
У Апакаліпсіс св. Яна, на прыкладзе гэтага звера паказваецца на якія ўлоўкі здольны
Сатана, каб кіраваць людзьмі, пранікаючы ў іх дух з дапамогай падману. Св. Ян раіць
не падпарадкоўвацца такой уладзе, як гэта рабілі мучанікі.
Як бачна, біблійнае
пасланне нагадвае нам аб тым, што ўлада паходзіць ад Бога і з’яўляецца састаўной часткай
створанага Ім парадку. Як пісаў у сваёй энцыкліцы “Pacem in terris” (“Мір на зямлі”)
папа Ян ХХІІІ, “такі парадак успрымаецца сумленнем і рэалізуецца ў сацыяльным жыцці
праз спрыянне праўдзе, справядлівасці, свабодзе і салідарнасці, якія прыносяць мір”.