Imzot Martinelli pohon: në Libi djalli i luftës mund të shkatërrohet!
(24.04.2011 RV)Sulme të reja ajrore të Natos në Tripoli, ku mbrëmë u dëgjuan
shpërthime të fuqishme. Së paku, 14 viktimat dhe më se njëqind, të plagosurit në Mizurata
dje, kur forcat e Gedafit tërhiqeshin e hynin në luftë avionët amerikanë pa pilot,
që njihen me emrin ‘dron’. Rebelët galdojnë, ndërsa koloneli i ftoi fiset vendase,
duke u besuar detyrën për të gjetur rrugëdalje. Por, si ta vlerësojmë këtë ftesë?
Imzot Inoçenco Martinelli, mëkëmbës apostolik në Tripoli, përgjigjet:
Përgjigje:
- Janë të gjitha familje të mëdha, që kanë pushtet moral, juridik e edhe
përgjegjësi për vetë popullsinë. Mund të themi se është udhë e rëndësishme për rikrijimin
bashkëjetesës në Libi. Ta njohësh këtë aspekt, do të thotë të kesh në dorë çelësin
e rrugëzgjidhjes politike.
Pyetje: - Imzot Martinelli, si i kremtuat
sot Pashkët?
Përgjigje: - E vetmja gjë, që e ndihmon bashkësinë
tonë të krishterë të vuajë me durim, është forca e fesë! Sot, duke u lidhur me grupe
të ndryshme të krishterësh në Hun, Nalut e Sirte, pata kudo ndjesinë e fortë se Krishti
u ngjall. U ngjall, kjo është rruga jonë, forca jonë e siguria jonë, pavarësisht se
jemi njerëz të rrethuar në të katër anët nga vdekja. Krishti i ngjallur na siguron,
sidomos, se mund të fitohet mbi djallin e luftës!